على هونك - للشاعر محمد فلاح الباتل

عزيز النفس نصفح له واعز النفس من هذاك
ولا اسمع هرجة الواشي ونحرص من عقاربها
نصد وندفع السيه من اللـي لا جهـل يبـلاك
وندمح زلـة الصاحـب ولا اجامـل ثعالبهـا
اطالع في عيوبي قبل اطالع عيـب ذاك وذاك
وكلٍ له نظر واللـي خلـق خلقـه يحاسبهـا
ولا أشيل الكبر لان الكبر يورد صاحبه الادراك
ولا به فايـدة والنفـس احشمهـا واهذبهـا
الا يا طير قبل اشبحك وقـع طالـع ابماطـاك
ترى دنياك لو تمهـل فـلا تامـن عواقبهـا
على هونك ترى الدنيا تدور بـدورة الافـلاك
ترى صيورها ترمـى ولا ترفـق ابصاحبهـا
غروره وانت يا مغرور تبا..تاطا على بعلباك
تكدر صافي الايـام ولـو صفيـت مشاربهـا
ولا حد مخلدٍ فيها وهـذا علـم مـا يخفـاك
يجي يومٍ فلا تقوى علـى صكـت مصايبهـا
على بخت الزمن كأنه نثر في دربي الاشـواك
ومهد لك دروب كنـت مـا تاصـل مراقبهـا

برك الله فيك