نكت.........

السلام عليكم ورحمة الله تعالى وبركاته
اليكم مجموعة من النكت :

-واحد حراق لاسبانيا بعد عام كلم باباه في الدشرة قالوا بابا راني تزوجت
وجاني الايدز عفانا الله منه قالوا باباه وعلاه ما سميتوش على جدك العلواني

-واحد مجنون ولدت مرتوا توام جن رجلها وقالها شكون اب الطفل الثاني

-المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.

-كاين زوج ركبوا تاكسي واحد ساق والاخر جذور.

-زوج مهابل هربوا من مستشفى المجانين ركبوا سيارة الاول قال الثاني دور على اليمن قالوا الثاني دور انت راني نسوق

-واحد مجنون راح لجنازة قام يخطب عليهم قالهم الانسان كيما بني ادم اذا مات يتوفى.

-واحد مجنون حلق الموستاش دخل على صحابوا قالهم تصدقوا ماعرفتكمش

واحد حابس حب ينتحر اركب فوق صخرا وحب يرمي روحو جا ليه واحد وقالو واش راك
حاب دير قالو ننتحر قالو اركب فوق عمارة وارمي نفسك يلا راك حاب تنتحر
قالو وعلاش راك حاب تقتلني

واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقصيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو

. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك
القرعة وادعيلي دعوة خير , عطاتهالو وقاتلو الله يفتحها في وجهك

جزار راح يخطب في وحدة ,تلاقى مع والد البنت , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟

واحد راح للطبيب النفسي قالو يا سيدي أصبحت أحس أنني كلب , قالو منذ متى تعاني هذا المرض قالو منذ كنت جروا

قالك واحد راح مصنع انتاع مركبات كيميائية , لقى صهريج فيه حمض الكلور
HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم

واحد راح يخطب في طفلة , قالو باباها /: واش تخدم ؟ قالو : جارنا طبيب

قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح

مع السلامة نكت......... 17591

السلام عليكم ورحمة الله تعالى وبركاته

مشكورة أختي الكريمة ألاء على النكت المضحكة

أعجبتني كلها وأضحكتني .أضحك الله سنك

أدام الله عليك الإبتسامة وعلى الجميع

تقبلي تحياتي