مرحبا بيكم و راني رجعت ليكم

مرحبا مرحبا بالخاوة و الله توحشتكم توحشتكم بزاف بزاف
اسمحولي علاه ما عقبت رمضان معاكم، كيما تعرفوني أنا ما نصبرش على الشلاوش و السرقة علاخاطر هاد المرة ارتكبت جريمة قوية (ما تخافوش ماشي قتيلة ) باسكو همي غير في الدراهم و عليها بغيت نسرق 5 ملاير سنتيم و تكللت العملية بالنجاح ، بقيت هارب لفترة بصح كيما العادة قبضوني الجوندارم هاد المرة و مدوني للشرطة و حكموا علي بالسجن المؤبد حتى نشيب و ما يبقى فيا ما يصلح باه يسرحوني ، ومادام راهم يعرفوني مليح في كل مدن الجزائر قالوا ممكن نهرب في أقرب فرصة على بيها وجدوا لي مفاجئة من العيار الثقيل ة دشنوا بيا حبس المنيعة بقرار سجن سري و ما عييت نحاول نهرب بصح ما قدرتش علاخاطر حبس مجهد يا خاوتي نداء لكل المجرمين و المجرمات بالأخص السارقين و السارقات إدا حبيتو ترتكبوا جريمة أطونسيو تكثروا لادوز و لا تلقاو روحكم في أكبر حبس إفريقي بأحدث وسائل ردع محاولاة الهروب باه ما تقولوش مانبهتكم
بصح علاه راني مجرم كاليفي قدرت نهرب قبل ايامات من العيد وان شاء الله نعيد معاكم باسكو لابوليس ما رايحين يحكموني غير يستناوني في سرقة اخرى و يدعوا ربي باه يحكموني
أيا ما نطولش عليكم باسكو راكم صايمين، عندي واحد صاحبي مجرم تلاقيت بيه كي خرجت من الحبس و من فرحتو بهروبي غرض عليا قصيدة جديدة نظمها (ما تتعجبوش باسكو جماعتي يسرقوا حتى في الشعر ) بالمعنى الكلمات لصاحبي و الريتم لشاعر جزائري معروف

تأبط عمك ليلة فطر *** و ألقى الحجاب على ألف صهر
و قال له الإبن أمرك جدي *** و قال له الجد أسرك أجري
و داس الحمار العروس الجديدة *** بما اقترفت من دمار بسحر
و دعدع حجم الغناء يعوي *** فخاف الهواء صراعات دفّ
و تأبى الحناجر بيع الصدور *** إذا لم تجد ذا انتباه و سمع
و يأبى العريس اعتلاء الضجيج *** إذا لم يجد من خليل و صحب
و يأبى الأقارب وقف العزوف *** إذا لم تُخن بالعبارات نفسي
و نأبى الجديد المفنّي العتيق *** إذا لم يكن من فواضل أصلي
في منبر بدلت منحى الفلات *** و صرت في منبر صاحب شأن
و أنسيتنا في المدائن أرضا *** فرحنا نوافي ضيافة قِدْرِ

المهم قبل ما نروح للمخبأ نقول ليكم اللي تفكرني من اعضاء المنتدى راني نحبو و اللي نساني و الله ما نسمح لو باسكو أنا نحب المنتدى و نحب قاع اللي ينشطوا فيه
أيا وامبعد نتلاقاو و نقصروا مليح

نداء عـــاجل إلى قاعــدة الديجيتال

يبدو أننا سنتدعي مقاتلين من نوع خاص ليقوموا بردعك، ألم تصبر على السرقــة حتى في شهر رمضان الكريم ، لو مكثت بسجن المنيعة لكان أفضل لك و للجميع، على الأقل تدخل التاريخ من بابه الواسع لتصبح أول مسجون بأكبر سجن على أقدم قارة في العالم، و لكنك أردت غير ذلك .. ماعليش

الله يحسن عون الشرطة و الدرك، راهم صايمين و أنت مكمّل عليهم، المهم أنت كي خرجت روح لداركم و ابحث على قاطو العيد وين راهم مخبينو و اروح نتقاسموه

بالصح بالاك يحكموك و يديرو ليك

كالعادة يا سادة الصعلوك ينجوا من أكبر الكمائن

هل هو علم تدرسه ....؟؟ أم فن تتقنه....؟؟ أم أبداع تستخدمه عند الحاجة

صديقي الصعلوك نحبك ودائمآ نتذكر كيف لا وقد أرعبت حكومة بأكمله فأنا أشفق عليهم.

ننتظرك دومآ شكرآ جزيلآ على القصيدة المسروقة